XATIRÊ ŞIMA!
123 aboneyî, 61 rotişî. Reqemê rotişî yê heta hûmaraya 4. no yo. GOGo ke bi kedêka pîle mi waşt ke estbîyayîşê xo dewam bikero, nê sebebî ra serkewte ez êdî nêeşkena bida dewamkerdene û bi xemgînîya pîle êdî weşanê dîjîtalî dana vindarnayene. Mektuba ke mi tey bi detay rewşe îzeh kerda erşawite pêro wendoxanê ma.
Mi dî ke bi hewayê dîjîtalî bi wendoxan resnayîşê GOGî rastîya ewroyî de nêno were. Ez fikirîyena ke her çiqas emrê xo kilm bo zî, hem bi kalîteyê xo ya toşeyî û tedeyî hem zî seba ke derheqê kulturê kurdan de yew kêmasîya girînge veta meydan GOG serkewte yo. Kes mefikirîyo ke mi nê karî ra fek veradayo, ez dewamê xebata xo kena ke GOGî çapkerde veja û vila bika. Bi omidê xêzeromananê kurdkîyan ê çapkerdeyan de reyna bêrîme têleye, her kesî yo ke piştî daya GOGî rê zaf sipas kena.
İmam Cici
GOG
Nîsane 2021 / Hûmare: 3
Yakarî
Derib / Job
Serebûtê ke manenê bi estanîkan ke demanê ke hîna merdimanê sipîyan Amerîka îşxal nêkerdîbî de vîyarenê şima pawenê. Şima do hîkayeyanê aştîwaz û dostê xozayî yê Yakarîyê çermusûrî yê domanî yo ke cesur û meraxdar o û eşkeno heywanan de qisey bikero bi heskerdiş biwanerê.
Red Kit
Morris / Goscinny
Duştê şima de Kovboy Red Kîto gonîşîrîn o ke Rojawanê Kovî de sîya xo ra zî hîna bilez eşkeno çeke wekero esto. Serebûtê komîkî yew kovboyê kîbarî yo ke bi estora xo Duldile ya, sere de Birayanê Daltonan, vera zaf haydutan xover dano…
Thorgal
G. Rosinski / Van Hamme
Yew xêzeromano şahene yo ke edebîyatê şîmşer û efsûnî û munutişê zanistkî pêşaneno. Yew pêşeyo ke xo dinyaya Vîkînganê şerwanan de vîneno. Hîkayeya yew merdimî yo ke wexto ke bi keyeyê xo ya bihuzur ciwîyeno, mecbur maneno ke seba ke keyeyê xo bipawo şer bikero.
Dinyaya Miloyî
Ferreira / Marazano
Milo verê golî de yew qesabaya qijkeke de ciwîyeno. Rojê rastê yew masîyê zernêno ke kotî ra êno nêno zanitene êno û cuya xo vurîyena. Mîlo demêk ra dima keşf keno ke weverê golî de yew dinyaya efsunî esta ke tey şerê rindî û xirabîye rameno.
© ÉDITIONS DU LOMBARD (DARGAUD-LOMBARD S.A.) 1973, by Derib, Job
© LUCKY COMICS 1974,
by Morris & Goscinny
© ÉDITIONS DU LOMBARD (DARGAUD-LOMBARD S.A.) 1980, by Rosinski, Van Hamme
© DARGAUD 2013, by Christophe Ferreira & Richard Marazano
Rastîyê Cuye
Asaf Hanuka
Seba ke hunermendê îsrayîlijî yê namdarî Asaf Hanukayî seba hûmara verêne ya GOGe hîkayeya xo ya tek rîpele bexş kerda zaf sipas. Îmkanê ma ke bîy ma wezenîme ke hîkayeyanê eyê bînan zî biweşanîme, seba naye ma do ey de reyna bikewerîme tekilîye.
Şahmaran
Evdal Can
Şahmaran reya verêna ke beno xêzeroman. Ma efsane û estanikanê Mezopotamyaya qedîme adepteyê xêzeromanî kenîme. Şahmarano ke estanika verêne ya nê rezî ya şima do bi şîroveyê xêzkarê ma Evdal Canî biwanerê.
Qirix
Doğan Güzel
Tewr şik çin o ke eke ameyoxî de çew behsê mîzahê kurdan bikero, bi Qirixî do dest pê vateyê xo bikero. Nê kesî beno ke ê wendoxê ciwan ê ke na kovare de Qirixanê Dîyarbekîrî şinasnenê?
No Kam o?
Mamo
Nê kam ê? Senî serkewtî? Çi ciwîyayî? Şima xeyr ameyê dinyaya dahîyan Eînstein ra heta bi Da Vinciyî! Senatkarê ma Mamo keweno nê persan dima û cuya merdimanê zanistî û senatkaranê ke tarîxê merdimîyê vurenayo bi yew ziwanê mizahî ma ra vano.
Hîkayeyê Ujayan
Ender Özkahraman
Hîkayeyê ke serranê neweyan de ameyê nuştene bi ziwanê xo ênê weşanayene. Ender Özkahraman, hûmara ma ya verêne de bi di hîkayeyanê xo ca gêno. Derbaya 400.e de hîkayeya yew domanê meraxdarî yo ke dewanê Çolemerge ra yewî de ciwîyeno, Çarşemeyî de kî yew hîkayeya efsunîya ke Dîyarbekirî de vîyarena şima do biwanerê.
Porsûre
Şerda Cici
Porsûre kênekêka zaf baqil û zaf
meba zî biney banok a. Rojê bîhna xo zaf bena teng û keşf kena ke a eşkena
biba her çîyo ke wazena. Eşkena biba yew dedektîfe, yew mucîte, tewr zî superqehremane. Êdî do bîhna xo
tewr meba teng.
Vahşi Batının gölgesinden bile hızlı silah çeken sevimli kovboyu. Atı Düldülle birlikte başta Dalton Kardeşler olmak üzere birçok haydutla mücadele ederken okuyacak ve bu kibar kovboyu çok seveceksiniz.
Savaşçı Vikinglerin dünyasında huzurla yaşamak isterken ailesini korumak için savaşmak zorunda kalan bir adamın hikayesini heyecanla okuyacaksınız.
Kultur ve Senate
Editör
Senî ke nameyê ci ra zî êno fehmkerdene nê rîpelê xo de ma ca danîme xeberanê senate. Şima do nê rîpelî de hetê senata kurdan de, pêro dînya ra serebûtan û xeberanê senate yê temaşeyan bivînerê û ma bawer kenîme ke şima do cira hes bikerê.
Vahşi Batının gölgesinden bile hızlı silah çeken sevimli kovboyu. Atı Düldülle birlikte başta Dalton Kardeşler olmak üzere birçok haydutla mücadele ederken okuyacak ve bu kibar kovboyu çok seveceksiniz.
Savaşçı Vikinglerin dünyasında huzurla yaşamak isterken ailesini korumak için savaşmak zorunda kalan bir adamın hikayesini heyecanla okuyacaksınız.
Sey To Nîya!
Şerda Cici
Şima do nê rîpelî de analîzê xêzeromanan biwanerê. Hîkayeya warye vejîyayîşê karekteran, detayê sey senatkar û dewrî reyde ma do pîya keşf bikerîme ke qehremanî rastîye de kam ê. Qehremano mayo verên Winnie The Pooh.
Vahşi Batının gölgesinden bile hızlı silah çeken sevimli kovboyu. Atı Düldülle birlikte başta Dalton Kardeşler olmak üzere birçok haydutla mücadele ederken okuyacak ve bu kibar kovboyu çok seveceksiniz.
Savaşçı Vikinglerin dünyasında huzurla yaşamak isterken ailesini korumak için savaşmak zorunda kalan bir adamın hikayesini heyecanla okuyacaksınız.
Kitabî Vanê Se?
Editör
Beşê kilmekî yê ke ma eseranê tewr serkewteyan ê edebîyatê kurdan û dinya ra girewtê, bi îlîstrasyonî kenîme pêt û şima reyde pare kenîme. Eke şima wendiş ra hes kenê û cigêrenê ke şima do çi biwanerê no rîpel tam gorê şima yo.